Diasabra ultimo durante un fiesta ameno di “After Sparkling Tour Party” a hasi entrega di diferente premio na e finalistanan di e evento mas grandi di aña Sparkling Tour 2009.

Durante e anochi Rona Tromp project leader di Sparkling Tour a entrega e premio maximo den forma di un ATM-card di Caribbean Mercantile Bank na e ganadora absoluto Xarrah Figueroa “The New Youth Star 2009”. Tambe Xarrah Figueroa lo ricibi un aña gratis e canal Movie City.

Segunda finalista cu ta Stepanie Albertus a ricibi un cheque di 4.000,00 florin cu a wordo entrega door di Julisa Boekhoudt producer di Telearuba, tercer finalista Gabriela Krozendijk a ricibi un cheque di 3.000,00 florin cu a wordo entrega door di Clem van Heyningen Setar Marketing, cuarta finalista Hilyann Croes a ricibi un cheque di 2.000,00 florin cu a wordo entrega door di Marushka Andrews producer di Telearuba y na di cinco lugar Darwin Gomes a ricibi un cheque di 1.000,00 florin cu a wordo entrega door di Silvhyanne Vrolijk sales representative di Telearuba. Tambe e cinco finalistanan a ricibi pa un aña largo 10% di descuento na Subway.  

Reconocimento den diferente categoria
E anochi aki tabata yena cu sorpresa. Sra. Rona Tromp a ricibi un sorpresa ora cu           Sr. Roland Croes, Director di Setar NV a hasi un entrega di reconocimento pa Sra. Tromp su bon trabou eherce durante e cinco aña nan di Sparkling Tour. Tambe diferente participante a haya sorpresa ora cu nan a haya reconocimento den e siguiente categorianan:
“Most Disciplined”: Brittany Toyer
“Most Positive Attitude”: Hillary Rey
“Best Dressed”:  Hilyann Croes
“Most Friendly”: Xarrah Figueroa
“Most Popular”: Xarrah Figueroa

Danki na tur e sponsornan
Por ultimo ta gradici tur e sponsornan cu sin nan e evento di Sparkling Tour 2009 no tabata posibel:
Subway,  Setar, Movie City, Kok Optica, Manrique Capriles, Valero Refinery, Martijn Trading (Mentos), Citizens Insurance, Delloite, Total Services, Penha, Island Best Windows & Doors, Mr. Jazz, Focus, Texas, Quickie Licky Laundromat, Albo, Caribbean Drip, Cerd y Bondia. Un danki special ta bay na tur cu a copera cu Sparkling Tour 2009.

Un danki special
Un danki special pa un bon trabou eherce durante e evento ta bai pa: Miembronan di hurado: Delbert Bernabela, Sharon Rose, Jairo Boekhoudt, Angela Croes y Gilda Fernandes,  Hildward Croes y Sparkling Tour band, controladornan di Deliotte Radinir Tromp y Joella Lampe, coordinadora di stage Mieckey Gravenhorst, coreografo Freddy Montoya, Freddy Tromp y Popcorn Dancers, specialistanan den make-up Beauty Team, Animagic pa diseño di Sparkling Tour 2009, y MC’s : Ivo Yanez, Siomara de Windt- Everon, Xuliska Velasquez, Vladimir de Cuba y DJ Jean Carlo Espinal. And last but not least e team dinamico di Telearuba NV y Setar NV.

Calender di Sparkling Tour 2010:
Dianan di inscripcion     31 di mei pa 04 di juni 2010